कोभिड-१९ त्रास : नेपाल-इङल्यान्डबीचको मैत्रीपूर्ण खेल स्थगित
<p>काठमाडौं। कोभिड-१९ को जोखिमका कारण नेपाली राष्ट्रिय फुटबल टीम र इङल्यान्डको ‘सी’ टीमबीच हुने भनिएको मैत्रीपूर्ण खेल स्थगित भएको अखिल नेपाल फुटबल संघ (एन्फा) ले जनाएको छ।</p>
<p>एन्फाले दुई देशबीचको १२ जेठ २०७७ मा इङ्ल्यान्डमा हुने भनिएको मैत्रीपूर्ण खेल अनिश्‍चितकालका लागि स्थगित भएको जनाएको हो।</p>
<p>गत माघमा अखिल नेपाल फुटबल संघ (एन्फा) र इङल्यान्ड फुटबल संघ (एफए) बीच मैत्रीपूर्ण खेलका लागि सम्झौता भएको थियो।</p>
<p>सम्झौता पत्रमा एन्फाका अध्यक्ष कर्मारिछरिङ शेर्पा र एफएका राष्ट्रिय लिग समितिका प्रमुख लरेन्स जोन्सले हस्ताक्षर गरेका थिए।</p>
<p>सम्झौताअनुसार नेपालले अल्डरसट टाउन एफसीमा इङल्यान्डको ‘सी’ टीमविरुद्ध मैत्रीपूर्ण खेल खेल्ने तथा २०२१ मा इङ्ल्यान्डको टीम नेपाल आउने तालिका थियो। </p>
<p>तर, कोरोना भाइरस संक्रमणका कारण इङ्ल्यान्डमा अहिले फुटबल गतिविधि स्थगन गरिएको छ।</p>
<p>नेपालमा पनि ४ चैतबाट एन्फाले सचिवालयसमेत बन्द हुने गरी सम्पूर्ण फुटबल गतिविधि स्थगित गरेको छ।</p>
प्रतिक्रिया दिनुहोस्
.jpg)
