नेपालमा कोरोना भाइरस संक्रमण आशंकामा परीक्षण गरिएका ४९६ मध्ये ४९५ जनाको रिपोर्ट नेगेटिभ
<p>काठमाडौं। नेपालमा कोभिड-१९ को संक्रमणको आशंकामा हालसम्म ४९६ जनाको परीक्षण गरिएको छ।</p>
<p>त्यसमध्ये ४९५ जनाको रिपोर्ट नेगेटिभ देखिएको स्वास्थ्य मन्त्रालयले जनाएको छ।</p>
<p>मन्त्रालयका अनुसार ९ माघको परीक्षणमा कोरोना भाइरस पोजेटिभ देखिएका एक जना पनि हाल निको भइसकेका छन्।</p>
<p><img alt="" height="540" src="https://www.dekhapadhi.com/storage/photos/shares/Health/402_4529.MXF.07_55_38_15.Still001.jpg" width="960" /></p>
<p>टेकुस्थित शुक्रराज ट्रपिकल तथा सरुवा रोग अस्पतालको आइसोलेसनमा अहिले कोरोना भाइरस संक्रमणको आशंकाका ४ जना बिरामी रहेको अस्पतालका प्रवक्ता डा. अनुप बाँस्तोलाले बताए।</p>
<p>"उहाँहरू चिकित्सकको प्रत्यक्ष निगरानीमा हुनुहुन्छ," बाँस्तोलाले <em>देखापढी</em>सँग भने, "आवश्यक परीक्षणको लागि ल्यावमा नमूना पठाएका छौँ, रिपोर्ट आइसकेको छैन।"</p>
<p>स्वास्थ्य मन्त्रालयले कोरोना भाइरस संक्रमणको उपचार र परामर्शका लागि हरेक दिन बिहान ८ देखि बेलुका ८ बजेसम्म हटलाईन सेवा संचालनमा ल्याएको छ।</p>
<p>हटलाईन सेवाका नम्बरहरूमा ९८५१२५५८३९, ९८५१२५५८३७, ९८५१२५५८३४ रहेको मन्त्रालयले जनाएको छ।</p>
<p>त्यस्तै नेपाल टेलिकम र एनसेल प्रयोगकर्ताहरूका लागि बिहान ६ देखि राति १० बजेसम्म १११५ नम्बरको 'कोभिड-१९ कल सेन्टर' संचालन गरिएको छ।</p>
प्रतिक्रिया दिनुहोस्
.jpg)
