निजी गाडी चढेर बजार अनुगमनमा निस्किए आपूर्तिमन्त्री
<p>काठमाडौं। उद्योग, वाणिज्य तथा आपूर्तिमन्त्री लेखराज भट्टले काठमाडौंका २० पेट्रोल पम्पमा छड्के अनुगमन गरेका छन्।</p>
<p>बिहानैदेखि अनुगमनमा निस्किएका भट्ट पुल्चोक, जावलाखेल, सोल्टी मोड, बल्खु, एकान्तकुना, कलंकी, कालीमाटी हुँदै अहिले सोह्रखुट्टे पुगेका छन्।</p>
<p>मन्त्री भट्ट सुरक्षाकर्मीबिनै से‍.१च ८४३ नम्बरको निजी गाडी चढेर आज बिहानबाट अनुगमनमा निस्किएका हुन्।</p>
<p><img alt="" height="720" src="https://www.dekhapadhi.com/storage/photos/shares/Politics/minister bhatta 1.jpg" width="960" /></p>
<p>कोरोनाको त्राससँगै बजारमा खाद्य, दैनिक उपभोग्यका सामान र अत्यावश्यक वस्तुको कृत्रिम अभाव हुन थालेपछि नियमन र कारवाहीको लागि मन्त्री भट्ट एक्लै अनुगमनमा निस्किएका हुन्।</p>
<p>अनुगमनको क्रममा उनी कालिमाटी फलफूल तथा तरकारी बजार पनि पुगेका छन्।</p>
<p>यसअघि उनले पोखराका डिपार्टमेन्टल स्टोरहरूमा ग्राहकको भेषमा अनुगमन गरेका थिए।</p>
<p>ग्याँस, डिजेल र पेट्रोल पर्याप्त मात्रामा आइरहेको भन्दै पम्पवालाहरूले उपभोक्ताले आवश्यकताभन्दा बढी भण्डारण गरेकोले अभाव भएको बताएको अनुगमनमा सहभागी मन्त्रालयका एक अधिकारीले बताए।</p>
<p>अनुगमनका क्रममा केही उपभोक्ताले ठूला/ठूला जर्किन र ग्यालिनमा डिजेल र पेट्रोल लिइरहेको पाइएको मन्त्री भट्टले <em>देखापढी</em>लाई बताए। “हामीले उहाँहरूलाई बढी स्टक नगर्न अनुरोध गरेका छौं”, उनले भने।</p>
<p>सामानको कृत्रिम अभाव गराएर बदमासी गर्ने केही पम्पवाला र व्यापारीहरुलाई मन्त्रालयमा बोलाइएको छ।</p>
<p>“मन्त्रालयमा बोलाएर उनीहरुलाई सम्झाउँछौँ, नमाने कारबाहीको प्रक्रिया अगाडी बढाउँछौँ”, मन्त्रीले भने।</p>
<p><img alt="" height="720" src="https://www.dekhapadhi.com/storage/photos/shares/Politics/minister bhatta 2.jpg" width="960" /></p>
<p> </p>
प्रतिक्रिया दिनुहोस्
.jpg)
