विद्यालय, विश्वविद्यालय र रंगशालादेखि सिनेमा हलसम्म बन्द गर्ने सरकारको निर्णय
<p>काठमाडौं । सरकारले विश्वव्यापी महामारी बनेको कोभिड–१९ बाट जोगिन सतर्कता अपनाउने भन्दै शिक्षण संस्थादेखि मनोरञ्जनका सबै गतिविधि डेढ महीनासम्म बन्द गर्ने निर्णय गरेको छ।</p>
<p>आज बसेको उपप्रधानमन्त्री तथा रक्षामन्त्री ईश्वर पोखरेलको संयोजकत्वमा गठित कोभिड–१९ संक्रमण, रोकथाम तथा नियन्त्रण उच्चस्तरीय समन्वय समितिको बैठकले आउँदो १८ वैशाखसम्म बन्द गर्ने निर्णय गरेको हो।</p>
<p>सिनेमा हल, सांस्कृतिक केन्द्रहरू, रंगशाला, खेल स्थल, जिम, हेल्थ क्लब, म्युजियम, स्विमिङ्ग पुल, मनोरञ्जन स्थल, डान्सबार तथा क्लब आदिलाई ३० अप्रिल २०२० सम्म बन्द गर्ने निर्णय गरिएको छ।</p>
<p>त्यस्तै सांस्कृतिक, सामाजिक र त्यस्तै कार्यहरुमा पार्टी प्यालेस, मठमन्दिर, गुम्वा, मस्जिद, चर्च जस्ता धार्मिक र सार्वजनिक स्थलहरुमा २५ जना भन्दा बढी मानिस भेला हुन रोक लगाउने निर्णयसमेत समितिले गरेको छ।</p>
<p>यस्तै बाल विकास केन्द्र, विद्यालय, विश्वविद्यालयहरूकाे पठनपाठन भने चैत मसान्तसम्मका लागि बन्द गर्ने निर्णय गरिएकाे छ।</p>
प्रतिक्रिया दिनुहोस्
.jpg)
