त्रिभुवन विश्वविद्यालयले आजको परीक्षा संचालन गर्ने
<p>काठमाण्डौं। त्रिभुवन विश्वविद्यालयले आजका लागि तय भएका सबै परीक्षा यथावत् संचालन गर्ने भएको छ।</p>
<p>विश्‍वविद्यालयले सूचना प्रकाशित गर्दै संचालन भइरहेका परीक्षाहरू आजका दिन यथावत् संचालन गर्ने जानकारी गराएको छ।</p>
<p>सबै तहका परीक्षा स्थगित गर्ने सरकारले निर्णय गरे पनि त्रिविले भने आजको परीक्षा संचालन गर्ने बताएको हो।</p>
<p>'कोभिड-१९ को संक्रमणलाई मध्यनजर गरी कक्षा संचालन एवं २०७६ चैत ७ गते पछिका परीक्षाहरु संचालन सम्बन्धमा त्रिभुवन विश्वविद्यालयबाट २०७६ चैत ६ (आज) गते सूचना प्रकाशन गरिनेछ' विश्‍वविद्यालयको सूचनामा भनिएको छ।</p>
<p>हिजो, ५ चैत साँझ शिक्षा, विज्ञान तथा प्रविधि मन्त्रालयले विज्ञप्ति जारी गरेर आजदेखि हुने गरी तय भएको एसईई परीक्षा साथै अहिले सञ्चालनमा रहेको तथा आगामी दिनमा हुने गरी निर्धारण गरिएका सीटीईभीटी र विश्विद्यालय तहका सम्पूर्ण परीक्षाहरू अर्को सूचना नभएसम्मका लागि स्थगित गर्ने निर्णय भएको जानकारी गराएको थियो।</p>
प्रतिक्रिया दिनुहोस्
.jpg)
