राष्ट्रिय सभामा आज चार विधेयक पेश हुँदै
<p>काठमाडौं। राष्‍ट्रिय सभाको आजको बैठक दिउँसो १ बजे बस्दैछ।</p>
<p>बैठकमा प्रधानमन्त्री केपी शर्मा ओलीले अनुगमन तथा मुल्यांकन विधेयक र तथ्यांक विधेयक पेश गर्ने संसद सचिवालयकले जनाएको छ।</p>
<p>सचिवालयका कार्यवाहक महासचिव गोपालनाथ योगीले सार्वजनिक गरेको सम्भावित कार्यसूची अनुसार आज युवा तथा खेलकुद मन्त्री जगतबहादुर विश्‍वकर्माले राष्ट्रिय खेलकुद विकास विधेयकमा प्रतिनिधि सभाबाट भएको संशोधन उपर विचार गरियोस् भन्ने प्रस्ताव पेश गर्दै छन्।</p>
<p>त्यस्तै कानूनमन्त्री डा. शिवमाया तुम्बाहाङ्फेले प्रमाण दोस्रो संशोधन विधेयकलाई प्रतिनिधि सभाबाट भएको संशोधन स्वीकार सहित पुन: पारितका लागि पेश गर्ने बैठकको अर्को कार्यसूची छ।</p>
प्रतिक्रिया दिनुहोस्
.jpg)
