टेलिकमका नम्बरमा कल गर्दा कोभिड-१९ बाट बच्ने सन्देशमुलक जानकारी
<p>काठमाडौं। नेपाल टेलिकमले विश्वभर महामारीका रूपमा फैलिरहेको कोभिड–१९ बाट बच्न सकिने उपायबारे जानकारी दिन थालेको छ।</p>
<p>टेलिकमका हरेक नम्बरमा कल गर्दा कोभिड–१९ बाट बच्न सकिने सन्देश सुन्न सकिने छ। </p>
<p>कोभिड–१९ का लक्षणहरू ज्वरो आउने, थकाइ लाग्ने, सुख्खा खोकी लाग्ने आदी लक्षण हुन्।</p>
<p>यसबाट बच्नका लागि भीडभाडमा कम जाने, मास्क प्रयोग गर्ने, खोक्दा, हाँच्छ्यु गर्दा अनिवार्य मुख छोपेर बस्ने, अनिवार्य रूपमा स्यानीटाइजर र साबुन पानीले हात धुने गरौं भन्ने सुझाव समेटेर सीआरबीटी धुन बनाइएको छ।</p>
<p>कसैले पनि फोन गर्दा नउठेसम्म यो सन्देश सुन्न सक्नेछन्। </p>
<p>नेपाल टेलिकमका प्रवक्ता राजेश जोशीले कोभिड-१९ को संक्रमण बच्न उपायका बारेमा जानकारी दिन हरेक टेलिकमका नम्बरहरूमा सन्देशमुलक सीआरबीटी धुन राखिएको बताए।</p>
<p>“टेलिकमका सेवाग्राहीले कल गर्दा सन्देशमुलक जानकारी पाउन सक्नेछन्”, उनले <em><strong>देखापढी</strong></em>सँग भने, “कोभिड-१९ को महामारी कम नभएसम्म हामीले यो सीआरबीटी धुन टेलिकमका हरेक नम्बरमा राखिने छ।”</p>
प्रतिक्रिया दिनुहोस्
.jpg)
