संसद बैठक स्थगित
<p> काठमाडौं। कोभिड-१९ बाट जोगिने सावधानी अपनाउनका लागि प्रतिनिधिसभाको बैठक स्थगित गरिएको छ।</p>
<p>प्रतिनिधिसभा कार्यव्यवस्था परामर्श समितिले १३ चैतसम्मका लागि बैठक स्थगित गर्ने निर्णय गरेको हो।</p>
<p>संघीय संसदका प्रवक्ता रोजनाथ पाण्डेले भोलिका लागि बोलाइएको बैठक १३ चैतसम्मका लागि स्थगित गरिएको जानकारी दिए।</p>
<p>प्रनितिधिसभाको बैठक ६ दिनका लागि स्थगित भएपनि राष्ट्रियसभाको बैठक भने भोलि (शुक्रबार) १ बजे बोलाइएको छ।</p>
<p>यसअघि सरकारले हिजो २५ जनाभन्दा बढी भेला हुने कार्यक्रम नगर्न निर्देशन दिएपनि राष्ट्रियसभा बैठक आज पनि १ घण्टा बसेको थियो।</p>
<p> </p>
<p> </p>
<p> </p>
प्रतिक्रिया दिनुहोस्
.jpg)
