आजदेखि चिडियाखाना अनिश्चितकालका लागि बन्द
<p>काठमाण्डौं। ललितपुरको जावलाखेलस्थित सदर चिडियाखाना आजदेखि बन्द गरिएको छ।</p>
<p>राष्‍ट्रिय प्रकृति संरक्षण कोष-सदर चिडियाखानाले एक सूचना जारी गर्दै विश्‍वव्यापी महामारी बनेको कोरोना भाइरस संक्रमणको जोखिमबाट बच्‍न अर्को निर्णय नभएसम्म चिडियाखाना बन्द गरिएको जानकारी गराएको छ।</p>
<p>कोभिड-१९ रोकथाम तथा नियन्त्रण उच्चस्तरीय समन्वय समितिको बैठकले सार्वजनिक स्थलमा २५ जनाभन्दा बढी भेला हुन रोक लगाएसँगै चिडियाखाना अवलोकनमा रोक लगाइएको सदर चिडियाखानाले जनाएको छ। </p>
प्रतिक्रिया दिनुहोस्
.jpg)
