भोलिदेखि मनकामना केवलकार बन्द
<p>काठमाडौं। गोरखाको मनकामना मन्दिरको केवलकार भोलि, ८ चैतदेखि बन्द हुने भएको छ।</p>
<p>कोरोना भाइरस संक्रमणको जोखिमबाट बच्‍न कुरिनटार-मनकामना केवलकार बन्द गर्न लागिएको हो।</p>
<p>चितवनका प्रमुख जिल्ला अधिकारी नारायणप्रसाद भट्टराईले केवलकार र जिल्लाभर लाग्‍ने हाटबजारहरू बन्द गर्न अनुरोध गरिएको जानकारी दिए। </p>
<p>उनका अनुसार केवलकार संचालकले सूचना प्रवाह गर्न एक दिनको समय माग गरेकाले भोलिदेखि बन्द गर्न लागिएको हो।</p>
<p>त्यस्तै हाटबजार र सिनेमाघर आजबाट बन्द गरिएको छ।</p>
<p>तत्कालका लागि वैकल्पिक व्यवस्थाको खोजी गर्न भन्दै हाटबजार बन्द गर्न भनिएको हो ।</p>
<p> </p>
<p> </p>
<p> </p>
<p><em>तस्वीर: himkalaadventure.com बाट</em></p>
<p> </p>
प्रतिक्रिया दिनुहोस्
.jpg)
