विद्युतीय बैंकिङ कारोबार निःशुल्क, जुनसुकै एटीएम बुथ प्रयोग गरे पनि शुल्क नलाग्ने
<p>काठमाडौं। कोरोना भाइरस संक्रमणको सम्भावित जोखिमबाट बच्न बैंक तथा वित्तीय संस्थाले विद्युतीय माध्यमबाट हुने कारोबारलाई निःशुल्क बनाएका छन्।</p>
<p>नेपाल बैंकर्स एशोसियसन, विकास बैंक एशोसियसन र नेपाल वित्तीय संस्था संघले ईन्टरनेट, मोबाइल बैंकिङ र एटीएममार्फत हुने कारोबारलाई निःशुल्क गरेका हुन्।</p>
<p>संकटका बेला बैंकिङ कारोबारलाई सजिलो बनाउन र विद्यूतीय कारोबारलाई प्रोत्साहन गर्न यस्तो कारोबार निःशुल्क गरिएको नेपाल बैंकर्स एशोसियसनका अध्यक्ष भुवन दाहालले <em>देखापढी</em>लाई बताए।</p>
<p>नोटबाट पनि भाइरस संक्रमण हुन सक्ने जोखिमलाई ख्याल गर्दै नगद कारोबारलाई कम गर्न विद्युतीय कारोबारलाई प्रोत्साहन गरिएको दाहालले बताए।</p>
<p>यसका साथै, नेपाल क्लियरिङ्ग हाउसले प्रदान गर्ने कनेक्ट आईपीएस सेवामा समेत शुल्क नलाग्ने भएको छ।</p>
<p>विद्युतीय कारोबारका कारण बैंकहरुमा हुने भीडभाड पनि कम हुनेछ।</p>
<p>त्यसैगरी इन्टरनेट, मोबाइल बैंकिङ्ग सेवाको पासवर्ड बिर्सिए वा कुनै प्राविधिक जिज्ञासा भएमा बैंकमा नगई सम्बन्धित शाखाबाट फोनमार्फत् सहयोग लिन ग्राहकलाई अनुरोध गरिएको छ।</p>
प्रतिक्रिया दिनुहोस्
.jpg)
