९ चैतपछि पनि यी सेवा बन्द हुँदैनन्
<p style="text-align:justify">काठमाडौं। सरकारले देशैभर संघ, प्रदेश र स्थानीय तहका सार्वजनिक, सामुदायिक तथा निजी सेवा प्रदायक संस्थाहरूबाट प्रदान गरिने अत्यावश्यक बाहेकका सबै सेवाहरू आगामी ९ चैतदेखि २१ चैतसम्मका लागि बन्द गर्ने घोषणा गरेको छ।</p>
<p style="text-align:justify">प्रधानमन्त्री केपी शर्मा ओलीले आज साँझ राष्ट्रका नाममा गरेको सम्बोधनमार्फत् यस्तो घोषणा गरेका हुन्।</p>
<p style="text-align:justify">देशैभर लामो दूरीका सवारीसाधन बन्द हुनेछन् भने नेपालमा आउने सबै अन्तर्राष्ट्रिय उडान पनि बन्द गरिनेछन्।</p>
<p style="text-align:justify">विश्वव्यापी महामारी बनेको कोभिड–१९ को सम्भावित जोखिमबाट सजगता अपनाउन सरकारले यस्तो निर्णय गरेको हो।</p>
<p style="text-align:justify">शिक्षण संस्थाहरू यसअघि नै बन्द भइसकेका छन्। सबै शिक्षण संस्थाका परीक्षा पनि स्थगित गरिएका छन्। तर, केही अत्यावश्यक सेवा भने यसबीचमा बन्द हुने छैनन्।</p>
<p style="text-align:justify">दैनिक उपभोग्य वस्तुको विक्रीवितरणदेखि अरु कैयौं सेवा यसबीचमा नियमित रहनेछन्।</p>
<p style="text-align:justify"><strong>कोभिड–१९ को महामारीका बेला पनि बन्द नहुने सेवा र काम यसप्रकार छन्ः </strong></p>
<p style="text-align:justify"><strong>टेलिफोन तथा इन्टरनेट सेवा</strong></p>
<p style="text-align:justify"><strong>अस्पताल तथा स्वास्थ्य सेवा </strong></p>
<p style="text-align:justify"><strong>होटल तथा रेष्टुराँ</strong></p>
<p style="text-align:justify"><strong>पेट्रोलियम पदार्थको विक्री वितरण तथा ढुवानी </strong></p>
<p style="text-align:justify"><strong>औषधि पसल</strong></p>
<p style="text-align:justify"><strong>फोहोरमैला उठाउने काम</strong></p>
<p style="text-align:justify"><strong>बैंक, बीमा कम्पनी तथा विद्युत सेवा </strong></p>
<p style="text-align:justify"><strong>खानेपानीको विक्रीवितरण </strong></p>
<p style="text-align:justify"><strong>दाल, चामल लगायतका दैनिक उपभोग्य सामग्रीको विक्रीवितरण </strong></p>
<p style="text-align:justify"><strong>हुलाक सेवा </strong></p>
<p style="text-align:justify"><strong>सञ्चारमाध्यम</strong></p>
<p style="text-align:justify"><strong>सरकारी कार्यालय</strong></p>
<p style="text-align:justify"><strong>मौसम पूर्वानुमान, बाढी पूर्वानुमान तथा पूर्वसूचना सेवा</strong></p>
<p style="text-align:justify"><strong>आन्तरिक तथा सुरक्षा कार्यसँग सम्बन्धित सेवा</strong></p>
<p style="text-align:justify"><strong>प्रिन्ट वा सरकारी छापाखानासँग सम्बन्धी सेवा</strong></p>
प्रतिक्रिया दिनुहोस्
.jpg)
