नेपालखबर डटकमका सम्पादक ढुंगाना गम्भीर घाइते
<p>काठमाडौं। नेपालखबर डटकमका सम्पादक कृष्ण ढुंगाना दुर्घटनामा परी गम्भीर घाइते भएका छन्। कार्यालयबाट घर फर्कने क्रममा २३ असोज साँझ त्रिपुरेश्वरमा मोटरसाइकलले ठक्कर दिँदा उनी घाइते भएको नेपालखबरले जनाएको छ ।</p>
<p>राष्ट्रिय ट्रमा सेन्टरको आईसीयूमा उपचार भइरहेको ढुङ्गानाको टाउकोमा गम्भीर चोट लागेको बताइएकाे छ। राति ३ बजे अप्रेशन गरिएको र अहिले उनको स्वास्थ्यमा सुधार भइरहेको चिकित्सकले बताएको नेपालखबर डट कमका प्रधान सम्पादक पूर्ण बस्नेतले जानकारी दिए । यद्यपी ढुङ्गानाको होस भने खुलिसकेको छैन । उपचारमा संलग्न चिकित्सकलाई उध्दृत गर्दै नेपालखबरले प्रकाशन गरेको समाचारमा पनि उनको अवस्था खतरामुक्त भइनसकेको उल्लेख छ । </p>
<p>ढुङ्गानालाई ठक्कर दिने बा ३३ प २३७ नम्बरको मोटरसाइकल चालकलाई प्रहरीले नियन्त्रणमा लिएको छ । उनलाई बाटो काट्ने क्रममा 'जेब्रा क्रस' मा मोटरसाइकलले ठक्कर दिएको थियो । </p>
<p><br />
</p>
प्रतिक्रिया दिनुहोस्
.jpg)
