सरकारको निर्देशन अटेर गर्दै सिरहामा समाजवादी पार्टीको प्रशिक्षण
<p>काठमाडाैं। नोबेल कोरोना भाईरसकाे संक्रमण (कोभिड-१९) बाट बच्न सरकारले अत्यावश्यक बाहेकका सबै सेवा बन्द गर्ने घोषणा गरिसकेको छ। सरकारले २५ जना भन्दा बढी सार्वजनिक स्थानमा सहभागी नहुन भनेको छ।</p>
<p>तर, सरकारको आग्रहलाई अटेरी गर्दै समाजवादी पार्टीले भने सिरहामा अगुवा कार्यकर्ता प्रशिक्षण कार्यक्रम गरेको छ।</p>
<p>सदरमुकाम गोलबजार, लहानमा पार्टीको संगठन विस्तार तथा सुदृढीकरण अभियान भन्दै कार्यक्रम गरेको छ। पूर्व उपप्रधानमन्त्रीसमेत रहेका समाजवादी पार्टीका अध्यक्ष उपेन्द्र यादव नै सहभागी भएर कार्यक्रम गरिएको हो।</p>
<p style="text-align:center"><img alt="" height="450" src="https://www.dekhapadhi.com/storage/photos/shares/Politics/IMG_20200319_145532.jpg" width="960" /></p>
<p>प्रशिक्षण कार्यक्रममा प्रदेश २ सरकारका आर्थिक मामिलामन्त्री विजयकुमार यादव, सह-महासचिव प्रकाश अधिकारी, केन्द्रीय सदस्य शधुधनसिंह कोइरी, हरिनारायण कामती लगायत सहभागी थिए।</p>
<p>कार्यक्रमका सहभागीले मास्क र गम्छा लगाएका थिए। कोरोना भाईरस संक्रमणको जोखिमलाई मध्यनजर गर्दै आफूहरुले प्रशिक्षण कार्यक्रम नगर्न आग्रह गरे पनि पार्टीका नेताहरूले वेवास्ता गरेको समाजवादी पार्टीका युवा नेताहरूले बताएका छन्।</p>
<p>प्रशिक्षण कार्यक्रमलाई सम्बोधन गर्दै समाजवादी पार्टीका अध्यक्ष उपेन्द्र यादवले सरकारले समृद्ध नेपाल सुखी नेपालीको नारा दिए पनि व्यवहारमा दरिद्र नेपाल र दुःखी नेपाली बनाएको आरोप लगाए।</p>
<p style="text-align:center"><img alt="" height="540" src="https://www.dekhapadhi.com/storage/photos/shares/Politics/Samaabadi_Bisu Abhiyan_Siraha_2076-12-06_Golbazar_.jpg" width="960" /></p>
<p> </p>
प्रतिक्रिया दिनुहोस्
.jpg)
