कोभिड-१९ बाट एकैदिन दुई हजार बढीको मृत्यु
<p>काठमाडौं। १८६ देशमा फैलिएको कोभिड-१९ बाट पछिल्लो २४ घण्टामा दुई हजार बढीको मृत्यु भएको छ।</p>
<p>कोभिड-१९ बाट मृत्यु हुनेको संख्या ११ हजार ९४९ छ। ७ चैतसम्म मृत्यु हुनेको संख्या ९ हजार ८४० थियो। ६ चैतदेखि ७ चैतसम्मकाे २४ घण्टाकाे बीचमा एक हजार ६१ जनाकाे मृत्यु भएकाे थियाे। ७ चैतपछिकाे २४ घण्टामा दुई हजार १०९ जनाकाे मृत्यु भएकाे हाे। </p>
<p>सबभन्दा बढी इटलीमा चार हजार ३२ जनाको मृत्यु भएको छ। त्यस्तै चीनमा हालसम्म तीन हजार ५५ जनाको मृत्यु भएको छ। कोभिड-१९ को उद्गमस्थल चीनमा मृत्यु हुनेको संख्या ह्वात्तै घटेको छ। चीनमा आज सातजनाको मृत्यु भएको छ।</p>
<p>त्यस्तै आज स्पेनमा २८५ र इरानमा १२३ जनाको मृत्यु भएको छ।</p>
<p>विश्वव्यापी महामारी बनेको कोभिड–१९ बाट दुई लाख ८७ हजार ९४६ संक्रमितमध्ये ९३ हजार ६१७ जना निको भइसकेका छन्।</p>
प्रतिक्रिया दिनुहोस्
.jpg)
