आजदेखि अत्यावश्यक बाहेकका सेवाहरू बन्द, अन्तर्राष्ट्रिय उडान स्थगित
<p>काठमाडौं। कोरोना भाइरस संक्रमणको सम्भावित जोखिमलाई ध्यान दिँदै सरकारले आजदेखि अत्यावश्यबाहेकका सबै सेवाहरू बन्द गरेको छ।</p>
<p>प्रधानमन्त्री केपी शर्मा ओलीले ७ चैतमा सम्बोधनमार्फत संघ, प्रदेश र स्थानीय तहका सार्वजनिक, सामुदायिक तथा निजी सेवा प्रदायक संस्थाहरूबाट प्रदान गरिने अत्यावश्यक बाहेकका सबै सेवाहरू देशैभर २१ चैतसम्मका लागि बन्द गर्ने घोषणा गरेका थिए।</p>
<p>शिक्षण संस्थाहरू यसअघि नै बन्द भइसकेका छन् भने परीक्षा पनि स्थगित गरिसकिएको छ।</p>
<p>तर, यसबीचमा केही अत्यावश्यक सेवा भने बन्द हुने छैनन्।</p>
<p><img alt="" height="538" src="https://www.dekhapadhi.com/storage/photos/shares/COVID-19/9-chaitra-pachi-pani-banda111-.jpg" width="960" /></p>
<p>त्यस्तै सरकारले आजदेखि नेपाल भित्रिने सबै अन्तर्राष्ट्रिय हवाई उडानहरु पनि स्थगित गरेको छ।</p>
<p>यो घोषणा १८ चैतसम्म लागू गरिएको छ।</p>
<p>काठमाडौंस्थित त्रिभुवन अन्तर्राष्‍ट्रिय विमानस्थलमा दैनिक सरदर ५० वटासम्म अन्तर्राष्ट्रिय उडान हुने गरेको नागरिक उड्डयन प्राधिकरणले जनाएको छ।</p>
<p>यसैबीच हिजो, ८ चैत साँझ प्राधिकरणका प्रबन्ध निर्देशक राजन पोखरेलले विज्ञप्ति जारी गर्दै रेस्क्यू, एयर एम्बुलेन्सलगायतका इमर्जेन्सी फ्लाइट भने बन्द नगर्ने जानकारी गराएका छन्।</p>
<p>भोलि, १० चैतदेखि नेपालभर चल्ने सबै प्रकारका लामो दूरीका यात्रुवाहक सवारी साधनहरू संचालनमा रोक लगाइएको छ।</p>
<p>प्रधानमन्त्री ओलीले सम्बोधनको क्रममा कहिलेसम्म रोक लगाइएको भन्ने खुलाएका छैनन्।</p>
प्रतिक्रिया दिनुहोस्
.jpg)
