अर्जेन्टिनाका फरवार्ड डिबाला र इटालीका पूर्वकप्तान पाउलोलाई कोरोना भाइरस संक्रमण
<p>काठमाडौं। युभेन्टस तथा अर्जेन्टिनाका फरवार्ड पाउलो डिबाला र इटालीका पूर्वकप्तान पाउलो माल्दिनीमा पनि कोभिड-१९ पोजेटिभ देखिएको छ।</p>
<p>डिबालाले सामाजिक सञ्‍जाल इन्स्टाग्राममा आफू र आफ्नो गर्लफ्रेण्डलाई भाइरस देखिएको तर दुवैजनाको स्वास्थ्य ठिक रहेको बताएका छन्।</p>
<p>‘‘ओरिएना र म दुबैमा भाइरस पोजेटिभ देखिएको छ,’’ २६ वर्षे डिबालाले भने, ‘‘भाग्यवस हाम्रो स्वास्थ्य ठिक अवस्थामा छ।’’</p>
<p>डिबाला कोरोना भाइरस संक्रमण हुने तेस्रो युभेन्टस खेलाडी हुन्। यसअघि ड्यानिल रूगानी र ब्लाइसी माटौडीमा पनि कोरोना भाइरस पोजेटिभ देखिएको थियो।</p>
<p>उनको गर्लफ्रेण्ड ओरिएना सबाटिनी अर्जेन्टिनाका नायिका एवं गायिका पनि हुन्। उनी १९९० का युस च्याम्पियन ग्राब्रिएला साबाटिनीकी भान्जी हुन्।</p>
<p>एसी मिलानका प्राविधिक निर्देशक माल्दिनी र उनको छोरा ड्यानियललाई पनि कोरोना भाइरस पोजेटिभ देखिएको छ।</p>
<p><img alt="" height="541" src="https://www.dekhapadhi.com/storage/photos/shares/Sports/maldini with son corona.jpg" width="960" /></p>
<p>क्लबले दुबैको स्वास्थ्य ठिक रहेको जनाएको छ। १८ वर्षे ड्यानियल एसी मिलानको पहिलो टीमबाट खेल्छन्।</p>
<p>मिलानले दुवैजना घरमै सेल्फ आइसोलेसनमा बसेको र अब पूर्ण रूपमा ठिक नहुँदासम्म क्वारेनटाइनलमा राख्ने जनाएको छ।</p>
<p>इटालीमा कम्तिमा ३ अप्रिलसम्मका लागि सम्पूर्ण खेल गतिविधि स्थगित गरिएको छ।</p>
प्रतिक्रिया दिनुहोस्
.jpg)
