युनाइटेडका मिडफिल्डर फेलानीलाई पनि कोभिड-१९ को संक्रमण
<p>काठमाडौं। म्यानचेस्टर युनाइटेडका पूर्वमिडफिल्डर मारोउनी फेलानीलाई पनि कोरोना भाइरस संक्रमणको पुष्टि भएको छ।</p>
<p>चिनियाँ सुपर लिगमा कोरोनो भाइरस पोजेटिभ देखिने उनी पहिलो खेलाडी हुन्।</p>
<p>एभर्टन र युनाइटेडका पूर्वखेलाडी फेलानी अहिले चिनियाँ सुपर लिग क्लब शान्दोङ लुनेङबाट खेल्छन्।</p>
<p>उनलाई कोभिड-१९ पोजेटिभ देखिएको जिनान प्रान्तको स्थानीय स्वास्थ्य कार्यालयलाई उद्धृत गर्दै गोल डटकमले जनाएको छ।</p>
<p>२० मार्चमा रेल चढेर जिनान पुगेका उनलाई कोरोना भाइरस परीक्षण गर्दा पोजेटिभ देखिएको हो।</p>
<p>युभेन्टस तथा अर्जेन्टिनाका फरवार्ड पाउलो डिबाला र इटालीका पुर्वकप्तान पाउलो माल्दिनीमा पनि कोरोना भाइरस पोजेटिभ देखिएको छ।</p>
<p>कोरोना भाइरस संक्रमणकै कारण रियाल मड्रिडका पूर्वअध्यक्ष लोरेन्जो सान्जको हिजो अस्पतालमा मृत्यु भएको छ।</p>
प्रतिक्रिया दिनुहोस्
.jpg)
