आजदेखि काठमाडौं उपत्यकाका यी २२ स्थानमा ग्यास बिक्री केन्द्र संचालन हुँदै (सूचीसहित)
<p>काठमाडौं। आजदेखि उपत्यकाका २२ स्थानबाट खाना पकाउने एल.पी. ग्यासको रिटेल आउटलेट (खुद्रा बिक्री कक्ष) संचालन गरिएको छ।</p>
<p>नेपाल एल.पी. ग्यास उद्योग संघले बिहान १० बजेदेखि साँझ ५ बजेसम्म ग्यास बिक्री केन्द्र खोलेका हुन्।</p>
<p>एल.पी. ग्यास उद्योग संघका अध्यक्ष गोकुल भण्डारीले नेपाल आयल निगमसँगको छलफलपछि निरन्तर ग्यास पाउनेगरी बिक्री कक्ष खोलिएको देखापढीलाई बताए।</p>
<p>“ग्यास नपाएको उपभोक्ताको गुनासोलाई ध्यान दिएर दैनिक सात घण्टा आउटलेट संचालन गरेका हौँ”, उनले भने।</p>
<p>त्यसका लागि ग्यास उद्योगहरूले आफ्ना डिलरहरुमध्येबाट केहीलाई छनोट गरेका छन्।</p>
<p>नेपाल ग्यासले सबैभन्दा बढी तीन स्थानमा आउटलेट संचालनमा ल्याएको छ। </p>
<p>आजबाट शुरू गरिएको बिक्री कक्षबाट यसअघिकै मूल्यमा ग्यास खरीद गर्न सकिने बताइएको छ।</p>
<p><strong>कुन-कुन स्थानमा पाइन्छ ग्यास ?</strong></p>
<p>आयल निगम र संघबीच भएको सहमति अनुसार उपत्यकाका विभिन्‍न २२ स्थानमा २१ ग्यास उद्योगहरुले आउटलेट खोलेका छन्।</p>
<p>१. नेपाल ग्यासः बालाजु, अनामनगर र सातदोबाटो</p>
<p>२. सगर/चण्डी ग्यासः जडिबुटी</p>
<p>३. एसटीसी ग्यासः कालिमाटी र जडिबुटी</p>
<p>४ ओम ग्यासः थली, डाँछी र नैकाप</p>
<p>५. बाबा/श्री/लुम्बिनी ग्यासः कपन र धुम्बाराही</p>
<p>६. एच. पी ग्यासः आशीम किचेन एण्ड ग्यास सप्लायर्स</p>
<p>७ सिद्धार्थ ग्यासः इमाडोल</p>
<p>८. श्री माया ग्यासः सतुंगल</p>
<p>९. लोकप्रिय ग्यासः नैकाप</p>
<p>१०. राजधानी ग्यासः सितापाइला</p>
<p>११. सूर्य ग्यासः जगाती</p>
<p>१२. गीता ग्यासः धुम्बाराही</p>
<p>१३. हिमाल ग्यासः भगवती बहाल</p>
<p>१४. नमस्ते ग्यासः कागेश्वरी मनहरा</p>
<p>१५. भानु ग्यासः गोंगबु</p>
<p>१६. एभरेष्ट/सुगम ग्यास : सिफल</p>
<p>१७. श्रीराम ग्यासः हरिसिद्धि ललितपुर</p>
<p style="text-align:center"><img alt="" height="1090" src="https://www.dekhapadhi.com/storage/photos/shares/Economy/LP Gyas.jpg" width="700" /></p>
<p> </p>
प्रतिक्रिया दिनुहोस्
.jpg)
