धनगढी बसपार्कमा हेल्थडेस्क राखियो
<p>कैलाली। सुन्दर सुदूरपश्चिम यातायात प्रालिले डाइमन जिमको सहयोग र जनस्वास्थ्य कार्यालयको सहकार्यमा धनगढी बसपार्कमा हेल्थडेस्कको स्थापना गरेको छ।</p>
<p>स्वास्थ्य सहायता कक्षलाई बहुउद्देश्यीय विकास समाज (एमपीडीएस) ले प्राविधिक सहयोग गरेको छ।</p>
<p>हेल्थडेस्कको अवलोकन गर्दै धनगढी उपमहानगरपालिकाका प्रमुख नृपबहादुर वडले सम्पूर्ण यात्रुहरू आफ्नो स्वास्थ्य चेकजाँच गरेर मात्रै यात्रा गर्न सल्लाह दिए।</p>
<p>उनले भारतबाट आउने यात्रुहरूलाई कमसेकम १४ दिनसम्म परिवारको सम्पर्कभन्दा अलग्गै बस्‍न अनुरोध गरेका छन्।</p>
<p>सबै यात्रुहरूको स्वास्थ्य जाँच गरेर मात्रै यात्रा गर्ने व्यवस्था मिलाइएको प्रालिका अध्यक्ष पदमराज सापकोटाले जानकारी दिए।</p>
<p>आजैबाट यात्रुहरूलाई नि:शुल्क मास्कसमेत वितरण गरिएको सापकोटाले बताए।</p>
प्रतिक्रिया दिनुहोस्
.jpg)
