प्रधानमन्त्रीले बोलाए ४ बजे मन्त्रिपरिषद्को बैठक
<p>काठमाडौं। मिर्गौला प्रत्यारोपणपछि पहिलोपटक प्रधानमन्त्री केपी शर्मा ओलीले आज मन्त्रिपरिषद्को बैठक बोलाएका छन्।</p>
<p>अपरान्ह ४ बजे प्रधानमन्त्री निवास बालुवाटारमा बैठक बोलाइएको भूमिसुधार तथा सहकारी मन्त्री पद्‍मा अर्यालले<em> देखापढी</em>लाई जानकारी दिइन्।</p>
<p>दोस्रोपटक मिर्गौला प्रत्यारोपण गर्न अस्पताल भर्ना हुनुअघि १८ फागुनमा यसअघि बैठक बसेको थियो।</p>
<p>आजको मन्त्रिपरिषद् बैठक कोभिड-१९ को संक्रमणबाट जोगिन अपनाउनुपर्ने सजगतालगायतका विषयमा केन्द्रित रहने बालुवाटार स्रोतले जानकारी दिएको छ।</p>
<p>प्रधानमन्त्री अस्पताल भर्ना हुनुअघि बसेको बैठकले उपप्रधान तथा रक्षामन्त्री ईश्वर पोखरेलको संयोजकत्वमा कोरोना भाइरस संक्रमणको रोकथाम तथा नियन्त्रण उच्चस्तरीय समन्वय समितिको गठन गरेको थियो।</p>
प्रतिक्रिया दिनुहोस्
.jpg)
