धनगढी रोटरीद्वारा कोरोना भाइरसविरुद्ध छर्कने औषधि वितरण
<p>कैलाली। रोटरी क्लब अफ धनगढीले त्रिनगर नाका भएर नेपाल प्रवेश गर्नेहरूलाई कोरोना भाइरसविरुद्ध छर्कने औषधि र औषधि छर्कन प्रयोग गरिने सामग्री वितरण गरेको छ।</p>
<p>क्लबका अध्यक्ष हरिशंकर ठाकुरले धनगढी उपमहानगरपालिका प्रमुख नृपबहादुर वडमार्फत् सीमामा खटिएको सेनाको भवानी दलका स्वास्थ्यकर्मीलाई उक्त सामग्री हस्तान्तरण गरेको हो।</p>
<p>सामग्री हस्तान्तरण गर्दै रोटरी क्लबका अध्यक्ष ठाकुरले विपतको बेलामा सबै एकजुट हुन आवश्यक रहेको बताए। उनका अनुसार भाेलिदेखि मेडिकल मास्कसमेत वितरण गरिनेछ।</p>
<p>त्यस्तै नगर प्रमुख वडले क्लबले गरेको सहयोगको प्रशंसा गर्दै उपमहानगरपालिकाले सबै क्षेत्रबाट सहयोगको अपेक्षा राखेको बताए।</p>
प्रतिक्रिया दिनुहोस्
.jpg)
