जर्मनीकी चान्सलर मार्केल क्वारेन्टाइनमा
<p>काठमाडौं। आफ्ना डाक्टरलाई कोरोना भाइरसको संक्रमण भएको पुष्टि भएपछि जर्मनीकी चान्सलर एन्जेला मार्केल क्वारेन्टाइनमा बसेकी छन्।</p>
<p>६५ वर्षीय मार्केलले आजै पत्रकार सम्मेलन गरेर कोभिड-१९ को संक्रमण फैलिन नदिन नयाँ घोषणाहरू गरेकी थिइन्। उक्त पत्रकार सम्मेलन सकिए लगत्तै उनलाई ती डाक्टरलाई कोरोना संक्रमण भएको पुष्टि भएको जनाइएको थियो।</p>
<p>मार्केलका प्रवक्ता स्टेफन सेइबर्टलेका अनुसार मार्केललाई ७ चैतमा ती डाक्टरले न्युमोनियाविरोधी खोप दिएका थिए।</p>
<p>सेइबर्टले मार्केलले आउँदा दिनमा घरबाटै काम गर्ने र ‘नियमित परीक्षण’ गराउने जनाएका छन्।</p>
<p>मार्केलले पत्रकार सम्मेलनमा सामाजिक दूरी कायम गर्ने जर्मनहरूलाई धन्यवाद दिँदै कम्तिमा डेढ मिटर दुरी कायम गर्न सबैलाई अनुरोध गरेकी थिइन्। - <em>द गार्जियन</em>बाट</p>
प्रतिक्रिया दिनुहोस्
.jpg)
