भारत र चीन दुवै तर्फका नाका आजदेखि बन्द
<p>काठमाडौं। चीन र भारतसँग सिमाना जोडिएका सबै नाका आजदेखि एक साताका लागि बन्द गरिएको छ।</p>
<p>हिजो, ९ चैत साँझ बसेको मन्त्रिपरिषद् बैठकले चीन र भारततर्फका नाका एक साताका लागि बन्द गर्ने निर्णय गरेको थियो।</p>
<p>सोहि अनुसार आज बिहान १० बजेदेखि नाका बन्द हुनेछन्।</p>
<p>कोभिड-१९ को त्राससँगै भारबाट घर फर्कनेको चाप बढेपछि सतर्कता अपनाउँदै तत्काल नाका बन्दको आवश्‍यक निर्णय लिन सरकारलाई चौतर्फी दवाब परेको थियो।</p>
<p>प्रदेश सरकारहरूले पनि नाकालाई बन्द या व्यवस्थित गर्न केन्द्र सरकारसँग अनुरोध गरेका थिए।</p>
<p>कंचनपुर, कैलाली लगायतका जिल्ला प्रशासन कार्यालयले त नाकामा आवतजावत बढेपछि कोरोना भाइरस संक्रमणको सम्भावित जोखिमलाई ध्यान दिएर नाका बन्द गर्ने निर्णय गरिसकेका थिए।</p>
<p>मानिसको आवागमन बन्द गरेपनि सामान आपूर्ति भने निरन्तर हुने सरकारले आश्वस्त पारेको छ।</p>
प्रतिक्रिया दिनुहोस्
.jpg)
