कोभिड-१९ संक्रमितको उपचारका लागि सशस्त्र प्रहरी अस्पताल थप
<p>काठमाडौं। सरकारले चन्द्रागिरीस्थित सशस्त्र प्रहरी अस्पताललाई कोरोना भाइरस संक्रमितको उपचारका लागि छुट्टै अस्पताल बनाउने भएको छ।</p>
<p>हिजो, ९ चैतमा बसेको मन्त्रिपरिषद बैठकले कोभिड-१९ आशंकित या कोहि संक्रमित भइहालेमा सो अस्पताललाई उपचार गर्ने व्यवस्था मिलाउने निर्णय गरेको थियो। </p>
<p>यसअघि टेकुस्थित शुक्रराज ट्रपिकल तथा सरूवा रोग अस्पतालमा मात्र कोरोना आशंकित बिरामीको उपचार हुँदै आएको थियो।</p>
<p>टेकु अस्पताललाई पनि कोरोना विशेष अस्पताल बनाउने गरी सरकारले जनशक्ति, पूर्वाधार र स्वास्थ्य उपकरणहरू थप गरेको छ।</p>
<p>कोरोना भाइरस संक्रमणका बिरामीको उपचारलाई मात्र केन्द्रित गरेर टेकु अस्पतालमा उपचाररत् अन्य बिरामीलाई भने काठमाडौंका अन्य अस्पतालमा पठाइएको छ।</p>
<p>सरकारले कोरोना संक्रमितको उपचारका लागि उपत्यकाका पाँच अस्पतालमा आइसीयू सुविधासहित १२० शय्या थप गर्ने यसअघि नै निर्णय गरिसकेको छ।</p>
<p>स्वास्थ्य मन्त्रालयले टेकु अस्पतालमा ४०, सशस्त्र प्रहरी अस्पताल, वीर, पाटन र सैनिक अस्पतालमा २०/२० शय्याका आइसीयू थप्न गृहकार्य बढाइसकेको छ।</p>
प्रतिक्रिया दिनुहोस्
.jpg)
