कोभिड-१९ विरुद्धको राहत कोषमा साढे १७ हजार दिने बर्दियाका रमेश थापाको घोषणा
<p>काठमाडौं। विश्‍वव्यापी महामारी बनेको कोरोना भाइरस संक्रमणको त्रासले अहिले सबैजना आतंकित बनेका छन्।</p>
<p>संकटको यो बेला एक-अर्कालाई आफूले सकेको सहयोग गर्दै केही व्यक्तिहरूले मानवता देखाइरहेका छन्।</p>
<p>यसैचीच बर्दियाका रमेश थापाले कोभिड-१९ सँग जुध्‍न सरकारी राहत कोषमा १७ हजार ५०० रूपैयाँ दिने घोषणा गरेका छन्।</p>
<p>बर्दिया राष्ट्रिय निकुञ्‍जका पूर्ववार्डेन थापाले आफ्नो फेसबुकमा लेखेका छन्- 'सरकारले कोरोनाविरुद्ध जुध्न स्थापना गर्ने केन्द्रीय राहत कोषमा म आफ्नो आधा महीनाको पेन्सन रु. १७,५०० योगदान गर्ने प्रतिबद्दता व्यक्त गर्दछु।' </p>
<p>उनको यो कदमको तारिफ गर्दै धेरैले स्वागतयोग्य काम भएको टिप्पणी गरेका छन्।</p>
<p>हिजो, ९ चैतमा बसेको मन्त्रिपरिषद् बैठकले कोरोनाविरुद्ध ५० करोडको कोष बनाउने निर्णय गरेको थियो।</p>
<p>उक्त कोषमा मन्त्रीहरूले एक महीनाको तलब योगदान गर्नेछन्।</p>
<p>उक्त कोषका लागि रकम जुटाउन सार्वजनिक रूपमा पनि आग्रह गर्ने मन्त्रिपरिषद्ले निर्णय गरेको छ।</p>
<p>यसअघि केही घरबेटीले घरभाडा नलिने तथा छुट गर्ने घोषणा गरेका थिए।</p>
प्रतिक्रिया दिनुहोस्
.jpg)
