नेत्रविक्रम चन्दका माईला दाजुसहित चन्द समूहका ६ जना कार्यकर्ता पक्राउ
<p>काठमाडौं। प्रहरीले सरकारद्वारा प्रतिबन्धित नेत्रविक्रम चन्द नेतृत्वको नेकपाका ६ जना कार्यकर्तालाई ललितपुरको जावलाखेलबाट पक्राउ गरेको छ।</p>
<p>महानगरीय प्रहरी परिसर ललितपुरका प्रमुख एसएसपी टेकप्रसाद राईले चन्द समुहका ६ जना कार्यकर्ता गएराति पक्राउ परेको जानकारी दिए।</p>
<p>पक्राउ पर्नेमा नेत्रविक्रम चन्दका माईला दाजु जयन्द्र चन्द समेत रहेको खुलेको छ। एसएसपी राईले पक्राउ परेका व्यक्तिबारे आफूले विस्तृत बुझ्न बाँकी रहेको देखापढीलाई बताए।</p>
<p>प्रहरी स्रोतका अनुसार पक्राउ परेका चन्द नेपाल गणतान्त्रिक खेलकुद महासंघका अध्यक्ष हुन्।</p>
<p>यसबारेमा प्रहरीले थप जानकारी गराएको छैन। पक्राउ परेकालाई सेफ हाउसमा राखिएको स्रोतले जानकारी दिएको छ।</p>
<p>चन्दका जेठा दाजुलाई प्रहरीले यसअघि दाङबाट पक्राउ गरि सकेको छ।</p>
<p> </p>
प्रतिक्रिया दिनुहोस्
.jpg)
