लन्डनमा कोभिड-१९ सँग जुधिरहेकी नेपाली भन्छिन्-‘मलाई निको हाेला जस्ताे छैन, तपाईंहरू सुरक्षित बस्नू’
<p>काठमाडौं। भगवती रानाभाट १० दिनको सेल्फ आइसोलेसनमा बसेकी थिइन्। त्यसपछि उनलाई कोभिड-१९ को लक्षण देखिएपछि अस्पताल भर्ना गरिएको थियो।</p>
<p>आज १३औं दिन बितिसक्दा पनि आफूलाई निको हुने कुनै लक्षण नदेखिएको उनले आफ्नो फेसबुकमा उल्लेख गरेकी छन्। </p>
<p>नेपालको लमजुङ ठेगाना भएर लन्डनमा बस्दै आएकी उनले अस्पतालमा उपचार गराउँदै गरेको तस्वीरसहित फेसबुकमा स्टेटस पोष्ट गर्दै ‘यो महामारी पीडादायक भएको’ उल्लेख गरेकी छन्। </p>
<p>आफन्त र साथीभाइलाई थप भयावह बनाउला भन्ने सोंचले शुरुमा आफूले फेसबुकमा पोष्ट नराख्ने विचार गरेको भए पनि सबैलाई सावधान अपनाउन सहयोग पुग्ला भन्ने सोचर पोष्ट गरेको उनले लेखेकी छन्।</p>
<p>उनले फेसबुकमा लेखेकी छन्- ‘हजुरहरू सबैलाई विशेष सावधान रहन अनुरोध गर्दछु।’</p>
<p style="text-align:center"><img alt="" height="960" src="https://www.dekhapadhi.com/storage/photos/shares/Health/Bhagawati ranabhat.jpg" width="720" /></p>
<p> </p>
प्रतिक्रिया दिनुहोस्
.jpg)
