कोभिड-१९ देखिएकी महिला एक साताअघि फ्रान्सबाट नेपाल आएकी थिइन् (भिडिओसहित)
<p>काठमाडौं। हिजो, ९ चैतमा कोरोना भाइरस संक्रमण पोजेटिभ देखिएकी १९ वर्षीया नेपाली महिला अहिले टेकुस्थित शुक्रराज ट्रपिकल सरुवा रोग अस्पतालमा उपचाररत् छिन्।</p>
<p>आज स्वास्थ्य मन्त्रालयमा आयोजित पत्रकार सम्मेलनमा स्वास्थ्यमन्त्री भानुभक्त ढकालले दिएको जानकारी अनुसार उनी ४ चैतमा फ्रान्सबाट कतार हुँदै जहाजमा काठमाडौं उत्रिएकी थिइन्।</p>
<p>कोभिड-१९ देखिएकी ती महिला विद्यार्थी भएको मन्त्री ढकालले बताए।</p>
<p>"उहाँ बाहिरबाट आएदेखि नै होम क्‍वारेन्टाइनमा हुनुहुन्थ्यो, हिजो पोजेटिभ देखिनासाथ अस्पताल ल्याएर उपचार शुरू गरेका छौँ", ढकालले भने।</p>
<p>उनका अनुसार कोभिड-१९ पुष्‍टि भएसँगै ती महिलाको परिवार र उनको सम्पर्कमा आएका सबैजनालाई आइसोलेसनमा राखेर स्वास्थ्य परीक्षण भइरहेको छ।</p>
<p>नेपालमाा कोरोना भाइरस पोजेटिभ देखिएको यी दोस्रो संक्रमित हुन्।</p>
<p>हालसम्म कोरोना भाइरस संक्रमणको आशंकामा राष्ट्रिय जनस्वास्थ्य प्रयोगशाखा टेकुमा नमूना परीक्षण गरिएको मन्त्रालयका प्रवक्ता डा. विकास देवकोटाले जानकारी दिए।</p>
<p>यसअघि चीनको वुहानबाट आएका एकजना विद्यार्थीमा पनि कोभिड-१९ देखिएको थियो।</p>
<p>ती युवक अहिले निको भइसकेका छन्।</p>
<p><iframe frameborder="0" height="590" scrolling="no" src="https://www.youtube.com/embed/HL845ExYLPA" width="750"></iframe></p>
<p><strong>पढ्नुहोस्:</strong></p>
<p><a href="https://dekhapadhi.com/news/8966" target="_blank">फ्रान्सबाट आएकी एक नेपाली विद्यार्थीमा कोभिड-१९ देखियो संक्रमितको सम्पर्कमा आएका सबैलाई क्वारेन्टाइनमा राखियो</a></p>
<p> </p>
प्रतिक्रिया दिनुहोस्
.jpg)
