Others

गृहपृष्ठ

चीनका लागि नेपाली राजदूतमा पाण्डे संसदीय समितिबाट अनुमोदन काठमाडौं। संघीय संसदको संयुक्त सुनुवाई समितिले चीनका लागि नेपाली राजदूतमा महेन्द्रबहादुर पाण्डेको नाम अनुमोदन गरेको छ।  आज भएको सुनुवाइपछि राजदूतमा पाण्डेलाई अनुमोदन गर्ने निर्णय भएको समितिका सभापति लक्ष्मणलाल कर्णले बताए। समितिले सुनुवाइका लागि पाण्डेविरुद्ध उजुरी आह्वान गरेको थियो। उनीविरुद्ध कुनै पनि उजुरी नपरेको र आज सुनुवाइपछि अनुमोदन गर्ने सर्वसम्मत निर्णय भएको सभापति कर्णले देखापढीलाई बताए।  राजदूतमा संसदीय समितिद्वारा अनुमोदित भएपछि देखापढीसँगलाई संक्षिप्त प्रतिक्रिया दिँदै पूर्वपरराष्ट्रमन्त्री समेत रहेका पाण्डेले ‘नेपाल-चीन सम्बन्धलाई उच्च बिन्दूमा पुर्&zwj;याउन भूमिका खेल्ने’ बताए। १८ फागुनको मन्त्रिपरिषद्ले चीनका लागि नेपाली राजदूत लीलामणि पौड्याललाई फिर्ता बोलाउने र उनको स्थानमा महेन्द्रबहादुर पाण्डेलाई पठाउने निर्णय गरेको थियो।