औषधि पसल बन्द नगर्न औषधि व्यवसायी संघको आग्रह
<p>काठमाडौं। नेपाल औषधि व्यवसायी संघले आफ्ना सदस्यहरूलाई औषधि पसल बन्द नगर्न अनुरोध गरेको छ।</p>
<p>संघले कोभिड-१९ विश्वव्यापी महामारीको रूपमा फैलिरहेको अवस्थामा औषधि पसल नियमितरूपमा सञ्चालन गर्न व्यवसायीहरूलाई आग्रह गरेको हो।</p>
<p>संघले आज सार्वजनिक गरेको विज्ञप्तिमा भनिएको छ, “यस महामारीबाट हुन सक्ने सम्भावित जोखिमलाई रोक्ने र नागरिकलाई संक्रमणबाट बचाउने गहन जिम्मेवारी औषधि व्यवसायीहरूको काँधमा आएको छ।”</p>
<p>संघका अध्यक्ष मृगेन्द्रमेहर श्रेष्ठले विश्वव्यापीरूपमा फैलिएको कोभिड-१९ लाई मध्यनजर गर्दै औषधि पसल नियमितरूपमा सञ्चालन गर्न अपिल गरेका छन्। उनले भने, “औषधिको आपूर्ति र वितरणमा कुनै समस्या आए त्यसको समाधानका लागि संघ तयार छ।”</p>
<p>साथै, संघले आफ्ना व्यवसायीहरूलाई आफ्नो स्वास्थ्य सुरक्षाका लागि आवश्यक अपरिहार्य सुरक्षा विधि अपनाएर औषधि बेच्न पनि आग्रह गरिएको छ।</p>
प्रतिक्रिया दिनुहोस्
.jpg)
