आजदेखि आन्तरिक हवाई उडानहरू पनि बन्द
<p>काठमाडौं । आजदेखि एक साताका लागि आन्तरिक हवाई उडानहरू पनि बन्द भएका छन्।</p>
<p>विश्‍वव्यापी महामारी बनेको कोभिड-१९ लाई फैलन नदिन संक्रामक रोग ऐन-२०२० को दफा २ ले दिएको अधिकार प्रयोग गरी सरकारले आजदेखि देशैभर एक साताको लागि लकडाउन आदेश जारी गरेको छ।</p>
<p>मन्त्रिपरिषद्को ९ चैतमा बसेको बैठकले सुरक्षा निकायबाट प्रयोग हुने वायुयान र तोकिएका उडानहरू बाहेक अन्य सबै आन्तरिक व्यावसायिक उडानहरू बन्द गर्ने निर्णय गरेको थियो।</p>
<p>अन्तर्राष्ट्रिय उडानहरू भने ९ चैत रातिबाटै स्थगित गरिसकिएको छ।</p>
<p>नागरिक उड्डयन प्राधिकरणका प्रबन्ध निर्देशक राजन पोखरेलले विज्ञप्ति जारी गर्दै रेस्क्यू, एयर एम्बुलेन्सलगायतका इमर्जेन्सी फ्लाइट भने बन्द नगर्ने जानकारी गराएका छन्।</p>
<p>त्यस्तै हिजोदेखि नेपालभर चल्ने सबै प्रकारका लामो दूरीका यात्रुवाहक सवारी साधनहरू संचालनमा रोक लगाइएको छ।</p>
<p>उडान बन्द गर्ने निर्णयसँगै बुकिङ गरिएका हवाई टिकट रद्द हुनेछन्। सम्बन्धित वायुसेवा कम्पनीलाई यात्रुलाई टिकटको रकम निःशुल्क फिर्ता (रिफन्ड) गर्न निर्देशन दिइएको प्राधिकरणले जनाएको छ।</p>
प्रतिक्रिया दिनुहोस्
.jpg)
