गौरिफन्टा नाकामा चार सयबढी नेपाली अलपत्र, जबर्जस्ती प्रवेश गर्न खोज्दा तनाव (तस्वीरहरूसहित)
<p>कैलाली। घर फर्किएका नेपाली जबर्जस्ती प्रवेश गर्न खोजेपछि नेपाल-भारत सीमाको गौरीफन्टा नाका तनावग्रस्त बनेको छ।</p>
<p>कोभिड-१९ बाट बच्‍न सरकारले हिजो, १० चैतदेखि भारत र चीन दुवैतर्फका नाकाहरू बन्द गर्ने निर्णय गरेको थियो।</p>
<p>दशगजा क्षेत्रबाट नेपाली भूमि प्रवेश गरिसकेका नेपालीहरुले घर आउन पाउनुपर्ने भन्दै सुरक्षाकर्मीलाई ढुंगामुडा गरेका छन्।</p>
<p><img alt="" height="540" src="https://www.dekhapadhi.com/storage/photos/shares/COVID-19/0 lock down/gauri fanta naka.jpg" width="960" /></p>
<p>उनीहरूले नाराबाजीसमेत गरेपछि प्रहरीले स्थिति नियन्त्रणमा लिन बल प्रयोग गरेका छन्।</p>
<p>कैलालीको मोहना पुलमा नेपाल प्रहरी र सशस्त्र प्रहरीले उनीहरूलाई रोक्ने प्रयास गरिरहेका छन्।</p>
<p><img alt="" height="540" src="https://www.dekhapadhi.com/storage/photos/shares/COVID-19/0 lock down/gauri fanta naka ४.jpg" width="960" /></p>
<p>यद्यपी कतिपय भागेर नेपाल प्रवेश गरिसकेका छन्।</p>
<p>संघीय सरकारले सीमामा अलपत्र नेपालीलाई प्रवेश अनुमती दिने निर्णय गरेपनि आज बिहानैदेखि लकडाउन गरिएपछि सीमामा पुगेका नेपालीहरुलाई प्रवेशमा रोक लगाईएको हो।</p>
<p>गयरातिदेखि नै ४०० भन्दा बढी नेपाली नाकामा अलपत्र परेका छन्।</p>
<p><img alt="" height="720" src="https://www.dekhapadhi.com/storage/photos/shares/COVID-19/0 lock down/gauri fanta naka 2.jpg" width="960" /></p>
<p>कैलालीका प्रमुख जिल्ला अधिकारी यज्ञराज बोहराले नेपाल प्रवेशको अनुमति दिने वा नदिने विषयमा कुनै निर्णय भइनसकेको देखापढीलाई बताए।</p>
<p>सीमामा अलपत्र परेका नेपालीहरुलाई धनगढी उपमहानगरपालिका- ३ का अध्यक्ष बलबहादुर ऎरले गएराति साढे ११ बजेतिर चिउरा, बिस्कुट, पानी र भुजा बाँडेका थिए।</p>
<p>वृद्धवृद्धा, केटाकेटी र महिलाहरु बढी त्रसित भएका छन्।</p>
<p><img alt="" height="720" src="https://www.dekhapadhi.com/storage/photos/shares/COVID-19/0 lock down/gauri fanta naka 3.jpg" width="960" /></p>
प्रतिक्रिया दिनुहोस्
.jpg)
