नेपालीलाई स्वदेश फर्कन दिन माग गर्दै सर्वोच्च अदालतमा रिट
<p>काठमाडौं। स्थलमार्गका अन्तर्राष्ट्रिय नाका र अन्तर्राष्ट्रिय उडान बन्द गर्ने सरकारको निर्णयविरुद्ध सर्वोच्च अदालतमा रिट परेको छ। </p>
<p>अधिवक्ताद्वय माधव बस्नेत र मिना बस्नेतले हिजो, १० चैतमा सर्वोच्च अदादतमा रिट दर्ता गराएका हुन्। </p>
<p>संकटमा परेका बेलामा विदेशमा रहेका आफ्ना नागरिकको उद्धार गर्ने र बिरामी परेको पाइएमा उपचार गर्ने जिम्मेवारी राज्यको हुने रिटमा उल्लेख गरिएको छ।</p>
<p>यस्तो जिम्मेवारी निर्वाह गर्नुपर्नेमा वैधानिकरूपमा देश फर्कन चाहने आफ्ना नागरिकहरूलाई प्रवेशमा रोक लगाउने निर्णय भएको भन्दै त्यसलाई खारेज गर्न माग गरिएको सर्वोच्च अदालतका सहप्रवक्ता देवेन्द्र ढकालले जानकारी दिए।</p>
<p>आफ्नो देशमा प्रवेश गर्न नदिने निर्णयले विदेशमा रहेका नेपाली नागरिकको मौलिक हक तथा मानव अधिकार हनन भएको रिटमा जिकिर गरिएको छ।</p>
<p>आइसोलेसनका लागि विभिन्न निकायहरूले व्यवस्था गरिरहेका, होटल व्यवसायी, संघसंस्था र अन्य नागरिकले पनि त्यसमा सहयोग गर्ने प्रतिवद्धता जनाइरहेका बेला विदेशबाट फर्कन दिँदा कुनै समस्या नहुने रिटमा उल्लेख गरिएको छ।</p>
<p>एक जिम्मेवार राज्यले आफ्ना नागरिकलाई विदेशमै असुरक्षित छाड्न नमिल्ने दावी गर्दै सर्वोच्च अदालतसँग सरकारको निर्णय खारेज गर्न माग गरिएको छ।<br />
</p>
प्रतिक्रिया दिनुहोस्
.jpg)
