Others

गृहपृष्ठ

चितवनको विशेष अस्पतालमा उपचाररत् एक बिरामीको मृत्यु, स्वास्थ्य मन्त्रालय भन्छः कारण खुलेको छैन काठमाडौं। चितवनको भरतपुरमा रहेको कोरोना विशेष अस्पतालमा उपचाररत् एकजनाको आज बिहान मृत्यु भएको छ।  उनलाई उच्च ज्वरो र रुघाखोकीले सताएपछि अस्पताल भर्ना गरिएको थियो। वीरगञ्जका ३० बर्षीय ती युवकलाई चितवन मेडिकल कलेजबाट कोरोना विशेष अस्पतालमा रेफर गरिएको थियो।  स्वास्थ्य मन्त्रालयका प्रवक्ता डा. विकास देबकोटाले अस्पतालका मेडिकल सुपरिटेण्डेन्टसँग बुझ्दा केही दिन पहिले चितवन मेडिकल कलेजमा उपचारार्थ भर्ना गरिएका विरामी भएको र उनको मृत्युको कारण नखुलेको देखापढीलाई बताए। उनले भने, "रोग पत्ता लागिसकेको थिएन, मृत्युको कारण के हो भनेर खुल्न बाँकी छ।"