भरतपुर कोरोना विशेष अस्पतालमा मृतक व्यक्ति ज्वरो र निमोनियाका बिरामी, कोभिड-१९ को रिपोर्ट आउन बाँकी
<p>काठमाडौं। वीरगञ्ज २२ जगन्नाथपुर निवासी ३० वर्षका सन्तोष यादव ९ चैतमा उक्त अस्पतालमा भर्ना भएका थिए।</p>
<p>लुपस भन्ने रोगका कारण मिर्गौला कमजोर भएको अवस्थामा ज्वरो र निमोनियाका लक्षण देखिएपछि उनलाई कोरोना विशेष अस्पतालमा भर्ना गरिएको थियो। चितवन मेडिकल कलेजबाट कोभिड (१९ को आशंकामा रेफर गरिएका थिए। </p>
<p>अस्पतालका प्रवक्ता डा. भोजराज अधिकारीले आज एक प्रेस विज्ञप्ति जारी गर्दै बिरामीको नमूना संकलन गरी परीक्षणका लागि काठमाडौं पठाइएको जनाएका छन्।</p>
<p>१० चैत दिउँसोबाटै स्वासप्रस्वासमा समस्या देखिएको उल्लेख गर्दै उनले त्यसपछि अस्पतालले सघन उपचार कक्षमा राखेर उपचार गरेको जनाएका छन्।</p>
<p><img alt="" height="1379" src="https://www.dekhapadhi.com/storage/photos/shares/COVID-19/chitwan hospital bigyapti.jpg" width="960" /></p>
<p>समस्या बढ्दै गएको तथा स्वास्थ्यमा सुधार नआएको अवस्थामा आज बिहान साढे ९ बजे सन्तोषलाई अस्पतालले मृत घोषणा गरेको थियो। </p>
<p>प्रवक्ता अधिकारीले परीक्षणका लागि काठमाडौं पठाइएको नमूनाको रिपोर्ट आउन बाँकी रहेको जनाएका छन्।</p>
<p>रिपोर्ट नआउन्जेल मृत शरीरलाई सुरक्षित साथ आइसोलेसनमा राखिएको अस्पतालले जनाएको छ।<br />
</p>
प्रतिक्रिया दिनुहोस्
.jpg)
