प्रदेश १ द्वारा कोभिड-१९ रोकथाम तथा नियन्त्रणका लागि १० करोडको कोष स्थापना
<p>विराटनगर। प्रदेश १ सरकारले कोभिड-१९ काे नियन्त्रण तथा रोकथामका लागि १० करोडको कोष खडा गर्ने निर्णय गरेको छ।</p>
<p>आज बसेको मन्त्रिपरिषद् बैठकले ‘प्रदेश १ कोरोना जनसुरक्षा कोष’ खडा गर्नुका साथै साे कोषमा प्रदेश सरकारका तर्फबाट १० करोड रकम जम्मा गर्ने निर्णय गरेको छ।</p>
<p>त्यस्तै कोषमा मुख्यमन्त्रीसहित मन्त्री र राज्यमन्त्रीहरूले एक महीनाको पारिश्रमिक जम्मा गर्ने निर्णय भएको छ।</p>
<p>मन्त्रिपरिषद् बैठकले मुख्यमन्त्री तथा मन्त्रिपरिषद् कार्यालयमा कोरोना भाइरससम्बन्धी सूचना कक्ष स्थापना गर्ने निर्णय भएको छ।</p>
<p>साथै सबै मन्त्रालयहरूमा एकजना अधिकृतस्तरको कर्मचारीलाई कोरोना फोकल पर्सनको रूपमा तोकी प्रत्येक दिन सूचना कक्षमा कोरोना भाइरससम्बन्धी सूचनाहरू उपलब्ध गराइनेछ।</p>
प्रतिक्रिया दिनुहोस्
.jpg)
