लकडाउनको पहिलो दिन यस्तो देखियो काठमाडौं (भिडिओ)
<p style="text-align:justify">काठमाडौं। जताततै कोलाहल। सडकमा सवारीसाधनको चाप। मानिसहरूको भीडभाड उस्तै।</p>
<p style="text-align:justify">धुलो, धुवाँ उडिरहेको। मानिसहरू हातले मुख छोपिरहेका। सबैलाई आफ्नो गन्तव्यमा पुग्न हतारो।</p>
<p style="text-align:justify">सामान्य अवस्थामा यस्तै देखिन्छ काठमाडौंको दृश्य। तर, कोभिड-१९ को सन्त्रासले काठमाडौं शान्त बनेको छ। न कुनै कोलाहल छ न त कसैलाई हतारो नै।</p>
<p style="text-align:justify">आफ्नो छातीमा हरबखत सवारीसाधन गुड्ने काठमाडौंका सडकले पनि विश्राम पाएका छन्। सवारीसाधनको ट्याँट्याँट र टुँट्टुँट् पनि बन्द भएको छ।</p>
<p style="text-align:justify">कारण, सरकारले कोभिड-१९ को जोखिम बढेपछि आजदेखि देशभर ‘लकडाउन’ गरेको छ। जसले गर्दा मानिसहरू आवश्यक काममा बाहेक घरबाहिर निस्कन पाएका छैनन्। </p>
<p style="text-align:justify">काठमाडौंका सडक यति सुनसान पहिले सायदै भएका थिए। कर्फ्युको समयमा बाहेक सम्भवतः यति सुनसान भएको थिएन।</p>
<p style="text-align:justify">कोभिड-१९ को महामारीबाट जोगिन सरकारले गरेको यो घोषणाले जनस्तरबाट व्यापक समर्थन पाएको छ।</p>
<p style="text-align:justify">फाट्टफुट्ट मोटरसाइकलहरू चले पनि प्रहरीले घर-घर फर्काइदिएको छ।</p>
<p style="text-align:justify">महामारीबाट जोगिन मानव इतिहासमै यस्तो कष्टसाध्य नियन्त्रण विधि अपनाइएको विश्वमै दुर्लभ घटना हो।</p>
<p style="text-align:justify"><strong>हेर्नुहोस् भिडिओ</strong></p>
<p style="text-align:justify"><strong><iframe frameborder="0" height="590" scrolling="no" src="https://www.youtube.com/embed/PaGgdWDaS7M" width="750"></iframe></strong></p>
<p style="text-align:justify"><em><strong>भिडिओ: रमेश पराजुली</strong></em></p>
.jpg)
