भारतमा २१ दिन लकडाउन घोषणा, मोदी भन्छन्- 'म तपाईंहरूसँग प्रार्थना गर्छु, घरबाट ननिस्कनुहोस्'
<p>काठमाडौं। भारतीय प्रधामन्त्री नरेन्द्र मोदीले कोभिड-१९ लाई थप फैलिन नदिन २१ दिन मुलुक लकडाउन गर्ने घोषणा गरेका छन्।</p>
<p>श्रृंखलाबद्ध ट्वीट गर्दै भारतीय प्रम मोदीले अहिले साँझ भनेका छन्- 'आगामी २१ दिन हाम्रा लागि धेरै नै अहम छन्। जनस्वास्थ्य विशेषज्ञले भनेअनुसार कोरोना भाइरसको चक्र तोड्नका लागि २१ दिनको समय धेरै नै महत्वपूर्ण छ।'</p>
<p>कोरोनाविरूद्धको भारतको लडाइँ ह्यासट्याट राखी गरेका ट्वीटमा मोदीले सबै जनतालाई घरबाट ननिस्कन भनेका छन्। उनले लेखेका छन्- 'हामीले यो विश्वास गर्नुपर्छ कि हाम्रा अगाडि एउटै विकल्प छ। हामी घरबाट बाहिर निस्कन हुँदैन। चाहे जे सुकै होस्, घरमै बस्नुपर्छ।' </p>
<p>उनले कोरोना भाइरसको विस्तारलाई केहीहदसम्म नियन्त्रण गर्न सकेका देशको अनुभवबाट सिक्दै लकडाउन नै सबैभन्दा उपयुक्त विकल्प भएको उल्लेख गरेका छन्।</p>
<p>लेखेका छन्- 'साथीहरू यो धैर्य र अनुशासनको समय हो। देशमा लकडाउनको समय रहुन्जेल हामीले हाम्रो संकल्प र बचन पूरा गर्नैपर्छ।'</p>
<p><br />
</p>
प्रतिक्रिया दिनुहोस्
.jpg)
