नेपालमा कोभिड-१९ को तेस्रो संक्रमित भेटिए
<p>काठमाडौं। नेपालमा तेस्रो व्यक्तिमा कोरोना भाइरस संक्रमण पोजेटिभ भेटिएको छ।</p>
<p>स्वास्थ्य मन्त्रालयका सह प्रवक्ता सागर दाहालले तेस्रो व्यक्तिमा कोभिड-१९ देखिएको पुष्टि गरे।</p>
<p>ती संक्रमित नेपाली या विदेशी को हुन् भन्नेबारे उनले अहिले खुलाउन चाहेनन्।</p>
<p>"एकजना पोजेटिभ थपिएको छ। विस्तृत हामी सार्वजनिक गर्नेछौं", दाहालले देखापढीसँग भने।</p>
<p>स्वास्थ्य मन्त्रालयले आफ्नो वेबसाइटमा पनि कोभिड-१९ को पोजेटिभ केस ३ वटा भएको सार्वजनिक गरेको छ।</p>
<p>तीमध्ये एक जना निको भइसकेका छन्। दुई जना टेकुस्थित शुक्रराज ट्रपिकल तथा सरुवा रोग अस्पतालमा आइसोलेसनमा उपचार भइरहेको मन्त्रालयले जनाएको छ।</p>
<p>यसअघि शुरूमा चीनको वुहानबाट फर्किएका एक विद्यार्थीमा कोरोना भाइरसको संक्रमण देखिएको थियो। उनी निको भएर घर फर्किसकेका छन्।</p>
<p>त्यस्तै ४ चैतमा फ्रान्सबाट कतार हुँदै जहाजबाट काठमाडौं आएकी एक १९ वर्षीया महिला विद्यार्थीलाई पनि कोभिड-१९ पुष्टि भएको थियो। उनको ९ चैत रातिबाट टेकु अस्पतालमा आइसोलेसनमा राखेर उपचार भइरहेको छ। </p>
<p>केही बेरअघि मन्त्रालयले अद्यावधिक गरेको विवरण अनुसार हालसम्म ६८७ जनाको नमूना परीक्षण गरिएकोमा ६८४ जनाको रिपोर्ट नेगेटिभ देखिएको छ।</p>
<p style="text-align:center"><img alt="" height="851" src="https://www.dekhapadhi.com/storage/photos/shares/COVID-19/covid update.JPG" width="567" /></p>
<p> </p>
<p> </p>
प्रतिक्रिया दिनुहोस्
.jpg)
