नगरकोटका होटलहरू क्वारेन्टाइनका रूपमा प्रयोग गरिने, काठमाडौं मेडिकल कलेजमा आइसोलेसनका लागि ४५० बेड तयार
<p>काठमाडौं। भक्तपुरको नगरकोटमा रहेका ११ वटा होटलहरु क्वारेन्टाइनका लागि प्रयोग गरिने भएको छ।</p>
<p>संस्कृती, पर्यटन तथा नागरिक उड्डयनमन्त्री योगेश भट्टराईको संयोजकत्वमा गठित क्वारेन्टाइन व्यवस्थापन कार्यदलले त्यहाँ रहेका होटलका कोठाहरूलाई क्वारेन्टाइनका रुपमा प्रयोग गर्ने निर्णय गरेको हो।</p>
<p>आज बिहान मन्त्रीसहितको टोली र त्यहाँका होटल व्यवसायीहरुबीचको छलफलले यो निर्णय गरिएको मन्त्री भट्टराईका स्वकीय सचिव प्रेम गुरागाईले जानकारी दिए।</p>
<p>११ वटा होटलमा एकहजार जना राख्‍न सकिने छ।</p>
<p>त्यस्तै स्वयंसेवक, सुरक्षाकर्मी, मेडिकल टीम र बिरामीहरूका लागि थप एक/एक वटा होटल व्यवस्थापन मिलाइएको छ।</p>
<p>नगरकोट क्षेत्रमा रहेका होटलहरुमा दुई हजारजनालाई क्वारेन्टाइनमा राख्न सक्ने क्षमताको रहेको भन्दै आवश्यक भएमा अन्य होटल पनि प्रयोग गर्न सकिने बताइएको छ।</p>
<p><img alt="" height="720" src="https://www.dekhapadhi.com/storage/photos/shares/COVID-19/yogesh quarentine 1.jpg" width="960" /></p>
<p>उता भक्तपुरस्थित काठमाडौं मेडिकल कलेज दुवाकोटमा क्वारेन्टाइनको लागि ४५० र आइसोलेसनको लागि ५ बेड तयारी अवस्थामा राखिएको छ।</p>
<p>यस्तै पशुपतिनाथ क्षेत्रमा रहेको नवनिर्मित धर्मशालामा ७० जनाको लागी क्वारेन्टाइन बनाउने गरी तयारी अवस्थामा राखिएको छ।</p>
<p>मन्त्रालयका सचिव, पर्यटन विभागका प्रमुख, पर्यटन वोर्डका प्रमुख, होटल व्यवसायीहरु,भक्तपुर जिल्लाका प्रमुख जिल्ला अधिकारी, सुरक्षा निकायका प्रमुख र चाँगुनारायण नगरपालिकाका जनप्रतिनिधिसहितले क्वारेन्टाइन बनाउने भनिएका नगरकोटका होलहरुको निरीक्षणसमेत गरेका छन्।</p>
<p><img alt="" height="720" src="https://www.dekhapadhi.com/storage/photos/shares/COVID-19/yogesh quarentine.jpg" width="960" /></p>
प्रतिक्रिया दिनुहोस्
.jpg)
