प्रतिनिधि सभा बैठक २३ चैतलाई सारियो
<p>काठमाडौं। भाेलि, १३ चैत दिउँसो १ बजे बस्ने निर्धारण गरिएको प्रतिनिधि सभाको बैठक २३ चैतसम्मलाई सारिएको छ।</p>
<p>संघीय संसदका कार्यवाहक महासचिव गोपालनाथ योगीले सूचना जारी गर्दै आगामी बैठक २३ चैत दिउँसो १ बजेसम्मका लागि सारिएको जानकारी दिएका हुन्।</p>
<p>कोरोना भाइरस (कोभिड-१९) को संक्रमणबाट बच्न सरकारले हिजो, ११ चैतदेखि देशैभर लकडाउन गरेको छ।</p>
<p>कोरोना भाइरसको संक्रमणलाई मध्यनजर गर्दै यसअघि पनि बैठक स्थगित गरिएको थियो।</p>
<p>संघीय संसदले जारी गरेको सूचनामा पनि सरकारले देशभर अत्यावश्यक सेवा बाहेकका सम्पूर्ण सेवा बन्द गरेकाले बैठक बस्न सक्ने स्थिति नरहेको जनाइएको छ।</p>
प्रतिक्रिया दिनुहोस्
.jpg)
