चीनमा कोरोना संक्रमण नियन्त्रणतिर, शुरूमा कोभिड-१९ देखिएको हुबेईमा रेल सेवा शुरू
<p>काठमाडौं। सन् २०१९ को अन्तिम दिन ३१ डिसेम्बरमा चीनको हुबेई प्रान्तमा पहिलोपटक कोभिड-१९ का बिरामी फेला परेका थिए। त्यसयताको झण्डै तीन महीनामा कोभिड-१९ विश्वव्यापी महामारी बनिसकेको छ। आजसम्ममा चार लाख २५ हजार जना व्यक्ति संक्रमित भएका छन्। १८ हजार ९४४ जनाको मृत्यु भइसकेको छ।</p>
<p>पहिलोपटक देखिएको हुबेई प्रान्तको वुहान शहर लकडाउन गरेर नियन्त्रणको प्रयास थालेको चीनले धेरै हदसम्म सफलता पाएको छ। पछिल्लो एक सातामा हुबेईमा कोभिड-१९ का नयाँ बिरामी नभेटिएको र पुरानी बिरामीको पनि मृत्युदर निकै कम भएको रिपोर्टहरू आइरहेका थिए।</p>
<p>यी तथ्याङ्कले कोभिड-१९ रोकथाम र नियन्त्रणमा चीनले पाएको सफलता देखाउँछन्। यसैबीच आजैदेखि चीनले कोभिड-१९ बाट अत्याधिक प्रभावति हुबेई प्रान्तमा रेल सेवा सञ्चालनमा ल्याएको छ। </p>
<p>चिनियाँ सञ्चारमाध्यम सीजीटीएनले जनाएअनुसार मध्य चीनको हुबेई प्रान्तले रेल वे सेवा शुरू गर्ने घोषणा गरेको छ। वुहान शहरबाहेक हुबेई प्रान्तभरका लागि आजबाट यात्रुबहाक रेल सेवा शुरू गरिएको छ।</p>
<p>२८ मार्चमा यात्रु बोकेका रेल वुहान पुग्नेछन्। ८ अप्रिलमा मात्रै वुहानबाट रेल अन्यत्रका लागि छुट्नेछन्। रेल सेवा सुचारू गर्ने हुबेई प्रान्तको घोषणाले चीनमा कोभिड-१९ नियन्त्रण हुँदै गएको देखिन्छ।</p>
<p>तर, युरोप र अमेरिका यसबाट नराम्ररी प्रभावित भइरहेका छन्। दक्षिण एशियामा पनि यसको प्रभाव तीव्र देखिँदै छ। हिँजोदेखि लागू हुने गरी नेपालभर एक साताका लागि लकडाउनको आदेश जारी गरिएको छ। भारत र बेलायतले पनि तीन साताका लागि लकडाउन गरिसकेका छन्। </p>
<p>आज एक जना नयाँ संक्रमित भेटिएसँगै नेपालमा पनि कोभिड(१९ बाट संक्रमितको संख्या तीन पुगेको छ। <br />
</p>
प्रतिक्रिया दिनुहोस्
.jpg)
