श्रीलंकाली राष्ट्रपतिले गरे ऋण सहयोगको आग्रह
<p>कोलम्बो । श्रीलंकाका राष्‍ट्रपति गोटाबाया राजापाक्षेले कमजोर आर्थिक अवस्थाका विकासोन्मुख राष्‍ट्रहरूलाई कोभिड-१९ विरुद्ध लड्न ऋण सहयोगको प्रबन्धका लागि आग्रह गरेका छन्।</p>
<p>सामाजिक सञ्‍जाल ट्‍विटरमार्फत राजापाक्षेले श्रीलंका, नेपालजस्ता विकासोन्मुख मुलुकका लागि त्यस्तो ऋण सहयोग जरुरी देखिएको विश्‍व स्वास्थ्य संगठनलाई सुझाएका हुन् ।</p>
<p>विश्‍व स्वास्थ्य संगठनका महानिर्देशकलाई मेन्सन गरिएको उनको ट्‍विटमा ऋण प्रवाह गर्ने बहुपक्षीय र द्विपक्षीय दाताहरूसँग संगठनले पहल गर्नुपर्ने उल्लेख छ। उनले आवश्यक ऋणको परिमाणबारे भने ट्‍विटमा उल्लेख गरेका छैनन्। तर, कमजोर आर्थिक अवस्थाका राष्‍ट्रहरूका लागि ऋण सहयोग अत्यावश्यक देखिएको उनको जिकिर छ।<br />
</p>
प्रतिक्रिया दिनुहोस्
.jpg)
