'विदेशबाट आएका व्यक्ति होम क्वारेन्टाइनमा बस्नुहोस्'
<p>काठमाडौं। इपिडिमियोलोजी तथा रोग नियन्त्रण महाशाखाले पछिल्लो समयमा विदेशबाट कोही व्यक्ति आएको भए होम क्वारेन्टाइनमा बस्न अनुरोध गरेको छ।</p>
<p>महाशाखाले सामाजिक संजालहरूमार्फत त्यस्ता व्यक्तिलाई घरपरिवारमा घुलमिल नभइ छुट्टै बस्न प्रोत्साहन गर्न र निगरानी गर्न अनुरोध गरेको हो।</p>
<p>'उहाँलाई निगरानी गरौं ताकि यदी संक्रमित हुनुभएको भए निजबाट घर परिवारका सदस्य तथा अन्य व्यक्तिमा संक्रमण नसरोस्।'</p>
<p>शुक्रराज ट्रपिकल तथा सरुवा रोग अस्पतालका निर्देशक डा. सागरराज भण्डारी विमानस्थल र सीमानाकाबाट आउने यात्रुको ज्वरो मात्रै परीक्षण गरेर घर पठाउँदा जोखिम बढेको बताउँछन्।</p>
<p>नेपालमा अहिलेसम्म तीनजनालाई कोभिड-१९ देखिएको छ।</p>
<p>शुरूमा कोरोना भाइरस संक्रमण पोजेटिभ देखिएका चीनको वुहानबाट फर्किएका एक व्यक्ति निको भएर घर फर्किसकेका छन्।</p>
<p>तीबाहेक ४ चैतमा फ्रान्सबाट कतार हुँदै आएकी एक १९ वर्षीया महिला र ६ चैतमा एअर अरेवियाको जहाजबाट यूएईको सारजाहबाट आएका धादिङका ३२ वर्षीय पुरुषलाई कोभिड-१९ देखिएको हो।</p>
<p>उनीहरू दुवैजना अहिले टेकुस्थित शुक्रराज ट्रपिकल तथा सरुवा रोग अस्पतालमा उपचाररत् छन्।</p>
प्रतिक्रिया दिनुहोस्
.jpg)
