४ चैतमा कतार एयरलाइन्सबाट आएका एक व्यक्ति सेती प्रादेशिक अस्पतालको आइसोलेसनमा
<p>कैलाली। ४ चैतमा कतार एयरवेजको क्यूआर ६५० नम्बरको जहाजमा आएका धनगढीका एक युवकलाई उनका भाईसहित सेती प्रादेशिक अस्पतालको आइसोलेसनमा राखिएको छ।</p>
<p>सोही जहाजमा आएकी एक १९ वर्षीया महिलालाई कोभिड-१९ देखिएपछि सरकारले आफ्नो संयन्त्रमार्फत उनीसँगै जहाजमा रहेका यात्रुहरूको खोजी थालेको थियो। </p>
<p>धनगढी उपमहानगरपालिका-३ त्रिनगर भन्सारका एकजना युवक सोही जहाजमा आएको थाह पाएपछि प्रहरीले हिजो, १२ चैतदेखि खोजी शुरु गरेको थियो।</p>
<p>हिजो साँझ उनी भाईसंगै मोटरसाईकलमा अस्पताल पुगेका थिए।</p>
<p>प्रारम्भिक स्वास्थ्य परीक्षण गरेपछि दुवैजनालाई आईसोलेनमा राखेर निगरानीमा राखिएको सेती प्रादेशिक अस्पतालका प्रवक्ता डा. जगदिश जोशीले बताए।</p>
<p>ती व्यक्तिको नमूना परीक्षणको लागि भोलि काठमाडौं पठाइने अस्पतालले नाएको छ।</p>
<p>परिवारका अन्य सदस्यहरुलाई भने घरमै सेल्फ आईसोलेसनमा बस्न भनिएको छ।</p>
प्रतिक्रिया दिनुहोस्
.jpg)
