कोभिड-१९ परीक्षण गर्न नेपाललाई चिनियाँ कम्पनीको दुई हजार किट सहयोग
<p>काठमाडौं। चीनको बेइजिङस्थित नगर व्यापार तथा वाणिज्य ब्यूरोले कोरोना भाइरसको परीक्षणका लागि दुई हजार थान टेस्ट किटहरू सहयोग गरेको छ।</p>
<p>सो किट तीस हजार अमेरिकी डलर बराबरको रहेको बताइएको छ।</p>
<p>हिजो, १२ चैतमा बेइजिङमा रहेको नेपाली दूतावासलाई सो किट हस्तान्तरण गरिएको छ।</p>
<p>नेपालमा पर्याप्त टेस्ट असुविधालाई ध्यान दिँदै किट उपलब्ध गराइएको अन्तर्राष्ट्रिय लगानी तथा सहयोग परामर्श सेवा कम्पनी प्रा. लि. का अध्यक्ष हरिप्रसाद ढुंगानालाई उद्धृत गर्दै एपीडी समाचारले जनाएको छ।</p>
<p>नेपालमा हालसम्म ६८७ जनाको कोरोना भाइरस परीक्षण गरिएकोमा ६८४ जनाको रिपोर्ट नेगेटिभ देखिएको छ।</p>
<p>कोभिड-१९ देखिएका एक व्यक्ति निको भएर घर फर्किसकेका छन्।</p>
<p>४ चैतमा फ्रान्स हुँदै कतारबाट आएकी १९ वर्षीया र ६ चैतमा एयर अरेवियाको जहाजबाट यूएईको सारजाहबाट आएका ३२ वर्षीय पुरुषमा कोरोना भाइरस संक्रमण पोजेटिभ देखिएपछि टेकुस्थित शुक्रराज ट्रपिकल तथा सरुवा रोग अस्पतालमा आइसोलेसनमा राखेर उपचार भइरहेको छ।</p>
प्रतिक्रिया दिनुहोस्
.jpg)
