इटलीमा रहेका नेपाली विद्यार्थीको आग्रह- 'यहाँजस्तो गल्ती नगर्नुस्, लकडाउनप्रति गम्भीर हुनुस्'
<p>काठमाडौं। इटलीमा रहेका एक नेपाली विद्यार्थीले इटलीमा देखिएको कोभिड-१९ को महामारीको कारण इटली सरकारले घोषणा गरेको लकडाउनप्रति गम्भीर नहुनु उल्लेख गर्दै सबै नेपालीलाई लकडाउनको पालना गर्न अनुरोध गरेका छन्। </p>
<p>इटलीमा अध्ययनरत् सुदीप खतिवडाले आफ्नो फेसबुक स्टाटसमा लेखेका छन्, 'इटली सरकारले घरमै रहनका लागि गरेको अपीललाई लापरवाही गर्दा नागरिकहरू पीडित छन्।'</p>
<p>उनले इटलीमाजस्तो गल्ती नगर्न नेपालीलाई सुझाव दिएका हुन्।</p>
<p>विश्‍व स्वास्थ्य संगठनको पछलिल्लो तथ्यांक अनुसार इटलीमा ६९ हजार १७६ जनामा कोभिड-१९ देखिएको छ। तीमध्ये मृत्यु हुनेको संख्या छ हजार ८२० छ।</p>
<p>छ महीनाअघि इटली पुगेका सुदीप कंचनपुरका प्रमुख जिल्ला अधिकारी नुरहरी खतिवडाका छोरा हुन्। </p>
<p><img alt="" height="336" src="https://www.dekhapadhi.com/storage/photos/shares/COVID-19/italy STUDENT.jpg" width="960" /></p>
<p>छोराको स्टाटसमा कमेन्ट गर्दै प्रजिअ खतिवडाले साहस र हौसला दिएकोमा धन्यवाद दिएका छन्।</p>
<p>उनले लेखेका छन्, 'कंचनपुरको सीडीओको रूपमा म सबै मानिसहरूलाई घरमा बस्न अपील गर्छु। म तिम्रो सुझाव अनुरूप आफ्नो काम गरिरहेछु।'</p>
प्रतिक्रिया दिनुहोस्
.jpg)
