कोभिड-१९ असर : ९०० मेगावाटको अरुण तेस्रो निर्माण पनि रोकियो
<p>काठमाडौं। कोरोना भाइरसको संक्रमण फेलन नदिन देशैभर लागू भएको लकडाउनको कारण संखुवासभामा निर्माणाधीन ९०० मेगावाटको अरुण तेस्रो जलविद्युत् परियोजनाको काम स्थगित गरिएको छ।</p>
<p>भारतीय निर्माण कम्पनी सतलजका सिइओ अरुण धिमानले दुई दिनअघिबाट जलविद्युत् निर्माणको काम स्थगित गरेको बताए।</p>
<p>अरुण तेस्रो परियोजनामा भारतीय र नेपाली गरी दुई हजार ५०० भन्दा बढी कामदार छन्।</p>
<p>अहिले मकालु गाउँपालिकामा ड्यामसाइड र चिचिला गाउँपालिकामा विद्युतगृहको काम भइरहेको थियो।</p>
<p>अरुण तेस्रोको ३५ प्रतिशत काम सम्पन्न भइसकेको छ। </p>
<p>पाँच वर्षमा निर्माण सम्पन्न गर्ने लक्ष्य राखिएको अरुण तेस्रो एक खर्ब २० अर्ब खर्च लाग्ने अनुमान गरिएको छ। <em>रासस</em></p>
प्रतिक्रिया दिनुहोस्
.jpg)
