सेल्फ क्वारेन्टाइनमा हुनुहुन्छ ? यी १५ नियम पालना गर्नुहोस् (सूचीसहित)
<p>काठमाडौं। कोभिड-१९ को महामारीबाट अहिले विश्‍व नै आक्रान्त बनेको छ।</p>
<p>विश्‍व स्वास्थ्य संगठनको पछिल्लो तथ्यांक अनुसार अहिलेसम्म चार लाख १४ हजार १७९ जनामा कोरोना भाइरस संक्रमण देखिएको छ। तीमध्ये १८ हजार ४४० जनाले ज्यान गुमाएका छन्।</p>
<p>नेपालमा पनि हालसम्म तीनजनालाई कोभिड-१९ पुष्‍टि भएको छ। शुरूमा चीनको वुहानबाट फर्किएका एक विद्यार्थीमा कोरोना भाइरस संक्रमण देखिएको थियो उनी उपचारपश्‍चात निको भएर घर फर्किसकेका छन्।</p>
<p>त्यस्तै पछिल्लो समय ४ चैतमा फ्रान्स हुँदै कतारबाट आएकी १९ वर्षीया र ६ चैतमा एयर अरेवियाको जहाजबाट यूएईको सारजाहबाट आएका ३२ वर्षीय पुरुषमा कोरोना भाइरस संक्रमण पोजेटिभ देखिएको छ।</p>
<p>उनीहरू दुवैजनाको टेकुस्थित शुक्रराज ट्रपिकल तथा सरुवा रोग अस्पतालमा आइसोलेसनमा उपचार भइरहेको छ।</p>
<p>कोरोना भाइरस संक्रमण फैलिन नदिन सतर्कता अपनाउँदै सरकारले ११ चैतबाट देशैभर लकडाउन घोषणा गरेको छ।</p>
<p>हाल एक साताको लागि लागू गरिएको लकडाउन नागरिकको स्वास्थ्य सुरक्षाकै लागि भएकाले संकटको यो घडीमा सावधानी अपनाएर एक-अर्कालाई सहयोग गर्न सरकारको आग्रह छ।</p>
<p>कोभिड-१९ बाट बच्‍न भीडभाडमा नजाने, व्यक्ति-व्यक्तिबीचको दूरी बढाउने, सेल्फ क्वारेन्टाइनमा बस्नेलगायतका पूर्व सतर्कताका उपायहरू भएको विश्व स्वास्थ्य संगठन तथा स्वास्थ्यसँग सम्बद्ध निकायहरूले सुझाइरहेका छन्।</p>
<p>"टाढैबाट यसलाई फर्काउन भीडभाडमा नजाने, सावधानी अपनाउनेजस्ता कार्यलाई गम्भीरताका साथ पालना गर्नपर्छ। साथै आफू र आफ्नो परिवारको स्वास्थ्य सुरक्षाका लागि क्वारेन्टाइनका नियमलाई पूर्ण पालना गर्नुपर्छ", सरुवा रोग अस्पताल टेकुका प्रवक्ता डाक्टर अनुप बाँस्तोलाले देखापढीसँग भने।</p>
<p>विदेशबाट जहाजमा आएका दुईजनालाई कोरोना भाइरस संक्रमण देखिएसँगै सरकारले उनीहरूसँगै यात्रा गरेका अन्य यात्रु र परिवारका सदस्यहरूलाई खोजी गरी क्वारेन्टाइनमा राख्न शुरू गरेको छ।</p>
<p>स्वास्थ्य मन्त्रालय अन्तर्गतको इपिडिमियोलोजी तथा रोग नियन्त्रण महाशाखाले सेल्फ क्वारेन्टाइनमा बस्दा अपनाउनुपर्ने सावधानीका १५ वटा सूची सार्वजनिक गरेको छ।</p>
<p>१४ दिनसम्म क्वारेन्टाइनमा बस्दा वा सम्पर्कका लागि आवश्यक परे १११५ नम्बरको कोभिड हटलाइनमा फोन गर्न पनि महाशाखाले अनुरोध गरेको छ।</p>
<p style="text-align:center"><img alt="" height="1298" src="https://www.dekhapadhi.com/storage/photos/shares/COVID-19/90480883_1339335229601028_5743059122354388992_o.jpg" width="960" /></p>
<p><br />
</p>
प्रतिक्रिया दिनुहोस्
.jpg)
